නිවීමේ පණිවිඩය රැගත්… 21
දහම් පදය
“ යමක් අත්හැරිය යුත්තේ අත්හැරීමෙන් නොව, අල්ලාගැනීමට ඇති වු උවමනාව විසදීමෙන්ය “
අත්හරින සිතත් අත්හැරිය සිතත් එකමය !
වෙනස අල්ලාගත් සිතම අත්හැරිය සිත වන බව නොදන්නා කමය.
ලෝකයේ ලස්සනම තැන රූපයෙන් ලස්සන තැන නොව, කිසිම නාම රූපයක් සමග නොගැටෙන තැනය !
ඔබේ දැනුම ඔබ පාලනය කරයි නම්, ඔබ ඔබේ දැනුමට අසුවෙලාය !
ඔබ කිසිම දේකට අසු නොවන්නේ ඊට වඩා දැඩි දේකට අසු වෙලා සිටින නිසා නොවේද !
ජලය පහත් බිම් බලා ගන්නා සේ, කෙලෙස් ඉපදීම බලා ගලයි !
ඔබට සිතෙන දේ නොකර, කෙරෙන දේ සිතන්න පුරුදු වන්න !
සියලු දේ සුදුසු තැන්වල ස්ථානගතව ඇත. අස්ථානගත කිරීම ලෝභය ලෙස හැදින් වේ !
උවටැන් ෴
විඩාව ඇතිවන අවස්ථා
• අල්ලාගැනීමේ උවමනාව පවතින්නේ යම්තාකකල්ද, අත්හැරීමත් ඒතාක්කල් පවතී .
• අත්හැරීම පවතින්නේ යම්තාකකල්ද, අල්ලාගැනීමේ උවමනාවත් ඒතාක්කල් පවතී .
කමටහන
ඔබ කොපමණ අත්හැරියත් අල්ලාගැනීමේ උවමනාව ඇති තාක් එම අත්හැරීම නිමාව දකින්නේ නැත. අත්හැරියත් නැවත එය අල්ලාගනියි.
අත්හරින්න, අන්සතු කරන්න, අයිත්ය අහිම් කරගන්න, උවමනාවක් ඇති නොවන සේ.
මෙය සතර ඉරියව්වෙන් පුරුදු කරන්න !
අටුවාව
අත්හරින දේ වටිනාකමින් ශුන්ය කර අත්හරිනන. එය නැවතගැනීමේ උවමනාව හටනොගෙනු අත.
ටීකාව
ඔබ දුන්නා යනු ඔබ දුන්නා මිස අසුවලා ගත්තා ලෙස නොසලකන්න. එවිට එය දුන්නාමය.
සරලාව
දෙන්නේ දෙන්නම නම් ඒ පිලිබද පවතින උවමනාව නැවත ගැනීම නිර්මානය කරන බව තවම නොතේරුනේද!
(අල්ලාගැනීමේ උවමනාව ඇත්තා කුමක් දෙනු ලැබුවද එය එසේ දෙනු නොලබන්නේය !)
සඝ උපදෙස් ලබා බුදුන් සරණ යන්න
තථාගත ශ්රාවක සංඝ