ඔබත් බෝසතෙකි, රහත් බෝධිය පතන
“රහත් බෝධිය පතන බෝසතාණෙනි මේ ප්‍රශ්ණ කවදා හෝ තමන්ගෙන් විමසුවෙහිද “ ???

*වේගය තීරණය වන්නේ යන කෙනාට සාපෙක්ෂව නොව, නැවතිච්ච කෙනාට සාපෙක්ෂවය.


*යමෙක් මෙ මුළු ලෝකයම ලබා ගත්තත් , 
තම ජීවිතය ඔහුට අහිමි වේ නම්, ඔහු ලබා ගත් ලෝකයෙන් ඔහුට ඵලක් ඇද්ද?


*රත්තරං ලැබුණත් වැඩක් ගන්න බැරිනම් රත්තරනෙන් වැඩක් තියෙද?


*ලෝකේම රූ රැජින සරණපවා ගත්තත් වයසට යනවා නම් රුවෙන් වැඩක් තියෙද?


*දරුවට භාෂාව උගන්වන්නේ අනාගතේ බැනුම් අහන්නද?


*දරුවට උගන්වන්නේ අනාගතේ උපකාර ලබන්නද?


*දරුවා ශක්තිමත් කරන්නේ අනාගතේ ඔහුගෙන් ගුටි කන්නද?


*දරුවට දේපල දෙන්නේ අනාගතේ ඔහුට බැල මෙහෙවර කරන්නද?


*දරුවට ලේලියකු ගේන්නේ අනාගතේ දරුවා අහිමි කරගන්නද?


*සියල්ල තේරුම් ගත් ඔබ දරුවා තේරුම් නොගත්තේ අනාගතේ නඩු කියන්නද ?


*අවුරුදු 20 පවුල්වෙලාත් අවුල්නම් ගත කලේ පවුල් ජීවිතයක්මද ?


*ජීවත්වන නිවස සිරගෙයක් නම් කිරි උතුරා නිම කලේ ඇත්තටම නිවසක්මද ?


*නිවසතුල සුනඛයා හදන්නේ දරුවන්ට වඩා යුතුකම් කෙරෙන හින්දද ?


*කෑම කඩෙන් කන්නේ, ගෙදර කෑම තිත්ත නිසාද උයන කෙනා තිත්ත නිසාද ?


*සැමෝගෙන්ම යුතුකම් බලාපොරොත්තු වන්නේ තම යුතුකම් ඉටු කරලද ?


*තම නිදහස විදින්නේ අනෙක් අයගේ නිදහස උදුරගෙනද ?


*විවේක ගන්නේ අනුන් අවිවේක කරලද ?


*ලාභ ලබන්නේ අනුන්ගෙන් පැහැරගෙනද ?


* අනුන් එලා දකින්නේ තමන් නිවැරදි වෙලාද ?


* අසාධාරණයට නැගී සිටින්නේ සාධාරණය ඉටු කරලද ?