මාන්‍යයෙන් දුප්පත් වෙන්න වෙහෙසෙන්න.
අනිත් අයගේ විවේකය පැහැර නොගන්න.
අන්සතු දේ පැහැර නොගන්න.
අන්සතු දේ ආස නොකරන්න.

අනුන්ගේ දුර්වලකම හෙලා නොදකින්න.
කවුරු අසමගි උනත් ඔබ සමගියෙන් ඉන්න.
දුන් දේ කියා නොපාන්න.
අනුන්ගේ වැරදි මතක තබා නොගන්න.

ප්‍රිය වචන වලින් සංග්‍රහ කරන්න.
දුර්වලයා ශක්තිමත් කරන්න.
අනික් අයටත් බඩගිනි ඇති බව සිහි කරන්න.
කිසිවෙක් කිසිකලෙක පාලනය නොකරන්න.

කිසිවෙකුගෙ වැරදි නැති තැන නොකියන්න.
නින්දාව පවා ප්‍රශංසාවක් කොට සලකන්න.
ඔබේ ඉවසීම අනික් අයගේ ඉවසීම බිඳී යාමට හේතුවක් නොකරන්න.

පරාජය පාඩමක් කොට ජීවිතයට යමක් ඉගෙනගන්න.
අනෙක් අයගේ ජය තම ජය කොට සතුටු වන්න.

බැඳීමක්, වස්තුවක්,
අත්හරින විට එම බැඳීමෙන්, වස්තුවෙන්, එම ගනුදෙනුවෙන් නිවෙන සේ අත්හරින්න.
මෙය සතර ඉරියවුවෙන් සිහිය පිහිටනා සේ පුරුදු කරන්න.