යුතුකමටත් අත්හැරීමක්

යමෙක් යුතුකම් කරන කල යුතුකම වෙනුවෙන් බොහෝ දේ අත්හරින්නේද,
යුතුකම් ලෙසත් සිද්ධ වී ඇත්තේ ඊ අය වෙනුවෙන් අත්හරින්න තවත් අවස්ථාවක් ලැබීමය.
උපකාර කරන්නා උපකාර කරන කල, උපකාර ලෙසත් කරන්නේ තවත් අත්හැරීමක් නොවේද?

රැකියාවන් අඹුදරු පෝෂණය උදෙසා නම්, වැටුපත් ඉපයීමත් ඒ අය වෙනුවෙන් අත්හැරීමක් බව නොදන්නෙහිද?

වැටුපේ අයිතිය ඇත්තේ ඔබට නොව, අඹුදරුවන්ට.
පිහිටවන්නා පිහිටවන කල පිහිට වීමෙන් කරන්නෙත් තම සන්තකය අසරණයා වෙනුවෙන් අත්හැරීමක් බව පැවසුවොත් පිළිගන්නෙහිද?

ඉවසන්නා ඉවසන කල ඉවසීමෙන් කරන්නේ අසංවරයා වෙනුවෙන් කෝපය පළිගැනීම හිංසාකිරීම අත්හැරීමක් නොවන බව තවම දැන නොසිටියේ මන්ද?

රියදුරා රිය පදවන කල
අසිහිය
අලසකම
නිදිමත
නොසැලකිලිමත්කම
අසංවරය
කලබලය
මගියාගේ ජීවිතාරක්ෂාව වෙනුවෙන් අත්හරින බව ඔබ දැන සිටියේ නැද්ද?

ඒ දේවල් අත්නොහළ රිය අදටත් අනතුරුවලය.
රෝගියා රෝගාතුරව, ඔත්පළව, තම අකුසළය ගෙවා නිමකර ගන්නට, නිවනට ලංවෙන්න තම
නිරෝගිකම
සනීපය
විවේකය
සෞඛ්‍ය
අකුසලය ගෙවීම වෙනුවෙන් අත්හරින බව නොදන්නා තරම් ඔබ අතදරුවෙක්ද?

නිවන් දකිමු තාපසයාගේ අත්හැරීම
තම කය විශ්වයේ පරිභෝජනයට අත්හැරියා.
තම නිරෝගිකම රෝගයේ කැමැත්තට අත්හැරියා.

තම විවේකය සත්ත්වයාගේ නිවීමට අත්හැරියා.
තම මහණකම සාසනයේ යුතුකමට අත්හැරියා.
තම කුසගින්න ආහාරයේ කැමැත්තට අත්හැරියා.

තමකම සතර මහා භූතයාගේ කැමැත්තට අත්හැරියා.
තම නින්ද විවේකයේ කැමැත්තට අත්හැරියා.
තම ආයුෂ ලෝක සත්ත්වයාගේ අවශ්‍යතාවයට අත්හැරියා.

තම අගය නොඅගයන වටිනාකමට අත්හැරියා.
තම කැමැත්ත ලෝක සත්ත්වයාගේ විමුක්තියේ කැමැත්තට අත්හැරියා.

තම ආයු පිරිනිවුමට අත්හැරියා.
ඔබ මට වඩා අත්හරින්නට දක්ෂ බව මාගේ විශ්වාසයයි.
ඔබ ඔබේ අත්හැරීමට ඔබ ශ්‍රේෂ්ඨය.