අත්හැරීම සන්සන්දනය නොකරන්න.
මන්ද,
නිවීමට කොහෙද සන්සන්දනයක්.
දුන් දෙයක් කියා නොපාන්න. කියන්නට දෙයක් නොදී ඉන්න.
දෙන විට ලබන්නා දෙස නොව,තමන් දෙස බැලීමට දක්ෂ වන්න.
බොරුවෙන් මිදෙන්න.එවිට සත්‍ය ඔබ ගලවන්නේය.
ඔබ සත්‍ය ගවේශකයෙක්ද?
සත්‍ය තුල ගවේශනයක් තවත් කොහේද?
බොරුව වටහා ගැනීමට අවශ්‍ය ගවේශනය..
ඔබ් ගවේශනය කලේ සත්‍යද බොරුවද?
ඔබ ගවේශනය කලේ සත්‍යද බොරුවද?
සත්‍යය ආරක්ෂා කරන්න. එම සත්‍යයම ඔබට ආරක්ෂාවක් වනු නිසැකය.
ලෝකයෙහි නොපිහිටන්න.
පිහිටෙව්වන් අද ඉපදිලාය විඳින්නට දුක. 

ඔබත් මුළා වූවෙක්ද සසරේ 
රැකියාව කරන්නේ ඔබ කියා සිතනවාද?
උපාධිය තිබෙන්නේ ඔබට කියා හැඟෙනවද?
ලමයි තමුන්ගේ කියා බැඳෙනවද?
ගෞරවය කීර්තිය දැනෙනවද?
වස්තුවට ආසා වෙනවද?
ලාභ සත්කාර වලට ආසා වෙනවද?
මැරෙන්නැහැ කියා සිතනවද?
පවු පින් අමතක වෙනවද?
තනතුරේ බලයට වෙනස් වෙනවද?
සමාවට පසුභට වෙනවද?
එසේනම් ඔබත් සසරේ මුලා වූවෙකි!!!
“ඔබේ මුලාව නොවටහේද තවා ඔබට”
බෞද්ධකම කියන්නේ මේකද?
දෙපෝයට සිල් ගන්නැති
පන්සිල් වත් රැකෙන්නැති
ජීවිතය නිවනට අදාළ නැති
මහ පොළොවේ ජීවිතයට හිමිකම් නැති
ඔබෙන් රටට පළක් නැති
වස්තුවට කෑදරකමට සීමා නැති
බෞද්ධ කම හිමි නැති

ඔබ රජෙක් වෙන්න කලින් 
ඔබ පොහොසතෙක් වෙන්න කලින්
ඔබ උගතෙක් වෙන්න කලින්
ඔබ පියෙක් වෙන්න කලින්
ඔබ දරුවෙක් වෙන්න කලින්
ඔබ සහෝදරයෙක් වෙන්න කලින්
ඔබ බිරියක් වෙන කලින්
ඔබ සැමියෙක් වෙන්න කලින් 
ඔබ රහත් වෙන්න කලින්
බෞද්ධයෙක් වෙන්න.
ඒක ඔක්කොටම වඩා වටිනවා.