ඔබෙන් අසන්නට පැනයක්!

ඔබ ඔබට අත්නොහැරුනා නම් මෙතෙක් අත්හැරියේ කුමක්ද?
අත්හල දේ අන්සතු වූවා නම් මෙතෙක් අත්නොහැරුනේ මන්ද?
දුන් දේ දුන්නේහිම නම් තවම ඔහුන් හට නොලැබුනේ මන්ද?
(තවම දුන් දේ මත නම තැවරිලාය, අයිතියද ලියවිලාය)

ඔබ ඔබට වූවා නම් අන් කෙනෙකුගේ පිහිටක් සරණක් කුමටද තවත් ඔබට.
(පිහිටක් සරණක් පතන්නේම තමන්ට තමන්වත් නැති බව සිත පිළිගන්න නිසා නොවේද?)
මුළු ලෝකයම හදන්න හදන්නේ,

තම වසඟයේ අයිතියේ පවතින එක හිසකෙස් ගහක්වත් සුදු කරන්න කලු කරන්නවත් බැරි ඔබ නොවේද?
(ඔබ ගැන පමණට වඩා සිතන නිසාම පිරිහුනා තවත්)
මෙච්චරක් ඇත, එච්චරක් ඇත.

කියා කියන්න පුළුවන් වූ ඔබේ සිතට,
මෙච්චරක් ඇති, එච්චරක් ඇති කියා කියන්න බැරි වුනේ කිමදැයි විමසුවේද?
තීරණාත්මක අත්හැරීමකට තීරණයක් නොගෙන, අත්හැරීමම තීරණයක් කරගන්න
ඔබේ අත්හැරීම ඔබට දැනෙනවානම් එය අත්හැරීම බව ඔබ හට කිව්වේ කව්ද?
(අත්හැරීමෙන් ප්‍රීතියක්,සතුටක්,වටිනාකමක්,ගෞරවයක් දැනෙන්නෙම ඒ අත්හැරීමෙන් පැවැත්මක් හටගත් නිසා නොවේද?)