ඔබ යමක් දෙන කල දීමට උත්සහ කරන්න.
දෙන්න උත්සහ නොකර!

ඔබේ දීම ලබන්නාට දීමක් ම නොවී ලැබීමක් වන්නේ නම්, ඔබ කොපමණ ශ්‍රේෂ්ඨ බෝසතෙක්ද!

යමක් යමෙකුට දෙන කල ඔහුට පමණක් නොව, වස්තුවටද නොදැනෙන සේ දෙන්නා මේ භවයේ පිරිනිවෙන බව විශ්වාසය.

දෙන්න දෙපාරක් නොසිත. ගන්න සිතන්න තව පාරක්!
ගන්න අනුන්ගෙ දෙයක් ලබන්නා සේ, දෙන්න අනුන්ගෙ දෙයක් ඒ අයටම දෙන්නා සේ!

කුමට අත්හරිමුදැයි සිතන්නෝ බොහෝය, කුමට අත්නොහරිමුදැයි සිතන්නෝ අල්පය. පිරිනිවෙන්නට නම් අල්පයෙකු වන්න!

කවදා හරි තේරෙයි එදාට අත්හරිමුයි නොසිතා, අත්හරින්න එතකොට තේරෙයි අත්හැරීම!

පින්වත් දරුව!
ඔබේ නිවන ඔබට දීමට ලොවේ කිසිවෙක් නැත.
මන්ද, ලොව්තුරා තථාගතයන් වහන්සේත් පෙන්වන්නේ මාර්ගය පමණය.
ඔබේ මාර්ගය ඔබ සමඟය.
අවදිව යන්න.
පෙන්වන්නට මඟ බුදු බණ ඔබ අභිමුඛයේය.